Rêveberiya Xweser îsal genim dikire

GUL.FM | Qamişlo

Di werzê sala 2017ê de Desteya Çandiniyê ya Rêveberiya Xweser biryar da ku 165 hezar ton genim ji cotkaran bikire. Li gorî wê desteyê 7 navendên kirîna genim li seranserî devera Cizîrê hatine destnîşankirin. Nirxê yek ton genim bi herdu cûreyên xwe ve “Qasî” û “Terî” pileya yekem dê bi 138 hezar lêreyên Sûriyê be, herweha sê pileyên din jî bi nirxên cuda hene.

Hersal cotkarên deverê xema firotina berhemên xwe dikşînin, çimkî ji hijmara zêdeyî 30 navendên kirîna genim ji aliyê hikûmeta Sûriyê ve, tenê 2 navend mane û cotkar neçar dibin berhemên xwe ji deverên dûr wek Serê Kaniyê û Dêrikê veguhêzin herdu navendên ku li Qamişlo hatine destnîşankirin.

Li gorî Rêveberiya Çandiniyê ya parêzgeha Hesekê ya girêdayî hikûmeta Sûriyê, pêşbîn e 800 hezar ton genim di werzê sala 2017ê de bête çinîn û li gorî pirojeya sala 2017ê eger e 600 hezar ton genim ji cotkaran bikire.

Hin cotkar dibêjin bi vekirina navendên kirîna genim ji aliyê Rêveberiya Xweser ve, rê li pêş bazirganan jî tê girtin ku nema berhemên cotkaran bi arzanî bikirin.

 

Hûn dikarin li weshana zindî guhdarî bikin

GUL FM liser Google Play (Store) – Android

play.google.com/store/apps/details?id=gul.fm.radio 

 

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.